CHUO KIKUU KISHIRIKI CHA UDOM KUJENNGWA MKOANI NJOMBE

Posted on: December 22nd, 2023

Kikao cha kamati ya Ushauri na maendeleo cha Mkoa RCC Mkoani njombe kilichoongozwa na Mkuu wa mkoa wa njombe Mh Antony Mtaka Kimeridhia kujengwa Tawi la chuo kikuu cha Dodoma UDOM katika makao makuu ya Mkoa Njombe.

Akizungumza wakati wa Mkutano huo uliofanyika katika ukumbi wa halmashauri ya Mji njombe Profesa Lughano Kusiluka Makamu wa Chou Kikuu Dodoma UDOM amesema katika utafiti wa maeneo ambayo  yaliyoorodheshwa wamebaini kuwa maeneo ambayo yanafaa kwa ajili ya ujenzi wa chou kikuu ni eneo la shule ya sekondari Njombe  Njoss  na ihalula yaliyopo Halmashauri ya mji Njombe kutokana na maeneo hayo kukidhi vigezo kulingana na miongozo  ambayo inatakiwa kutumika. Aidha Profesa Lughano  amesema chou kikuu cha  Dodoma kitajengwa Njombe kitachukua kozi za ufugaji, kilimo, Mawasiliano na Teknolojia.

Kwa upande wake Mkuu wa Mkoa wa Njombe  Mh. Antony Mtaka  amemshukuru  Rais Mh.Dkt. Samia  Suluhu  Hassan kwa kutoa fedha ambazo zitajenga chou kikuu Mkoani Njombe huku akiwaomba wadau ambao wamehudhurulia  kikao hicho kutumia fursa mbalimbali za kiuchumi katika uwekezaji ambao utaleta ushindani wa uchumi.