M- mama YAPIGA HODI MKOANI NJOMBE

Posted on: May 6th, 2023

Mkuu wa Wilaya ya Wanging’ombe Claudia Kitta akimuakilisha Mkuu wa Mkoa wa Njombe Mh.Antony Mtaka ameongoza kikao cha utambulisho wa mfumo M mama unaolenga kuimarisha huduma za usafiri wa dharura kwa kina mama wajawazito na Watoto wachanga katika Halmashauri zote za mkoa wa Njombe kwa lengo la kupunguza vifo vitokanavyo na uzazi. Mtaalam kutoka Ofisi ya Rais TAMISEMI Dkt. Hayaha Hyera amesema mfumo ulishafanya kazi katika mkoa wa Shinyanga na kuonekana kufanya kazi vizuri huku kwa sasa ukitambulishwa katika mikoa ya zaidi ya Nane. Mfumo huo unatajwa kuja kutatua changamoto ya magari ya dharula binafsi ambapo kwa mkoa magari ya serikali yapo Kumi na Saba pekee.   Aidha, Kitta amesema mkoa una magari Kumi na Saba ya dharula ambapo wakati mwingine hayatoshi. 

Mganga Mkuu wa Mkoa wa Njombe Dkt. Juma Mfanga amesema kabla ya kutambulisha mfumo huo watalaamu wamejengewa uwezo wa utekelezaji. Wawezeshaji wa mfumo huo ni pamoja na Vodacom na Pathfinder International.

Katibu Tawala Mkoa wa Njombe Mh.Bi Judica Omary amesema mkoa Mkoa wa NJOMBE una jumla ya vituo vya kutolewa huduma za afya zaidi ya Mia Tatu na Arobaini lakini vinavyotoa huduma ya uzazi ni Mia Tatu na Kumi na Tatu.

Mratibu wa Afya ya Uzazi na huduma za Mama na Mtoto mkoa wa Njombe Felisia  Hyera amesema mwaka 2022 jumla ya watoto Mia Moja Tisini na Mbili wamefariki ambao walipatiwa matibabu katika hospitali za ndani ya halmashauri ya Mji Njombe baada ya kupata rufaa kutoka hospitali za maeneo ya pembezoni mwa mji huo,Vifo vitokanavyo na uzazi imekuwa ni changamoto inayoumiza vichwa vya wataalam wa afya ambapo amesema  Watoto wengi wachanga hupoteza Maisha, Mratibu wa Afya ya uzazi HYERA anasema sababu ya kutokea kwa vifo vya uzazi kwa kina mama ni pamoja na kifafa cha mimba na kupoteza damu nyingi wakati wa kujifungua .

Mikakati inatambulishwa ikihusisha sekta binafsi na serikali ili kujinusuru na changamoto hiyo, kama ambavyo Mfumo wa M-mama unaoratibiwa na Kampuni ya Simu ya VODACOM ukitambulishwa mikoa mbalimbali nchini ukiwemo mkoa wa Njombe.Wahusika wa kikao hicho akiwemo Mkuu wa Wilaya ya Makete Juma Sweda ameomba utekelezaji wa mfumo uangalie maeneo magumu kufikika utaondoa vifo vya uzazi.