WAZIRI WA WIZARA YA MAJI MHE. JUMA AWESO KUFANYA ZIARA YA KIKAZI MKOANI NJOMBE.

Posted on: July 21st, 2025

Waziri wa Wizara ya  Maji, Mhe. Juma Aweso, anatarajiwa kufanya ziara ya kikazi mkoani Njombe tarehe 22 Julai, 2025, kwa ajili ya kukagua utekelezaji wa miradi ya maji ya Miji 28. Ziara hiyo inalenga kufuatilia maendeleo ya utekelezaji wa miradi ya kimkakati ya kuhakikisha wananchi wanapata huduma bora ya maji safi na salama.

Katika ziara hiyo, Mhe. Aweso atakutana na viongozi wa mkoa, watendaji wa sekta ya maji, pamoja na wananchi wanaonufaika na miradi hiyo ili kupata mrejesho wa moja kwa moja. Ziara hii ni sehemu ya jitihada za serikali ya awamu ya sita chini ya uongozi wa Rais Samia Suluhu Hassan kuhakikisha huduma ya maji inaboreshwa kote nchini.