HABARI KUTOKA HALMASHAURI YA WILAYA YA MAKETE SIKU YA TATU YA MBIO ZA MWENGE WA UHURU 2024 MKOANI NJOMBE.

Posted on: June 18th, 2024

Na. Chrispin Kalinga - Njombe

Mwenge wa Uhuru unaendelea na Mbio zake  ambapo Juni 18, 2024 unaendelea ndani ya Halmashauri ya Wilaya ya Makete.

Mwenge wa Uhuru kwa Wilaya ya Makete umekimbizwa Kilomita 180 ukitokea Halmashauri ya Mji Njombe na kwa Wilaya ya Makete na Kupokelewa na Mkuu wa Wilaya ya Makete Mhe. Jumah Sweda, mwenge huo umezindua na kuweka jiwe la Msingi na Uzinduzi wa miradi 8 yenye thamani ya Bilioni 1.4 ikiwa ni pamoja na Uzinduzi wa Mradi Mkubwa wa Maji  Uliopo Kijiji cha Tandala.

Mbio za mwenge wa uhuru unaoongozwa na mkimbizaji kitaifa Ndugu Godfrey Mzava.

Aidha, katika kuzingatia jumbe mbalimbali za mwenge wa Uhuru kwa mwaka 2024 katika eneo la mkesha zitatolewa taarifa mbalimbali ikiwa ni pamoja na taarifa ya  Lishe, Uchaguzi wa Serikali za Mitaa, Dawa za kulevya, Damu salama na upimaji wa VVU na Ukimwi, taarifa ya Malaria, taarifa ya wajasiliamali pamoja na mdahalo wa Vijana uliolenga Masuala ya Uchumi na uwekezaji kwa Vijana pamoja maswala ya chaguzi wa Serikali za Mitaa