MKOA WA NJOMBE NI WATUMIAJI WAZURI WA MBOLEA HIVYO WAKULIMA WANAHITAJI KUWAHISHIWA MBOLEA

Posted on: April 22nd, 2024

Mkuu wa Mkoa wa Njombe Mhe. Anthony Mtaka Leo tarehe 22 Aprili 2024 amekuwa mgeni rasmi katika kikao maalum cha Mafunzo kwa Mawakala wa Mbolea Nyanda za Juu kusini mwa Tanzania kilichofanyika Mjini Makambako, Kikao hicho kimehudhuriwa na Mawakala kutoka mikoa ya Iringa,Njombe,Morogoro,Ruvuma na Mbeya.

Mafunzo hayo yenye lengo la kuwajengea uwezo na uelewa Mawakala na wauzaji wa Mbolea  yameongozwa na Kampuni ya Uzalishaji wa Mbolea ya Minjingu chini na Mkurugenzi wa Kampuni hiyo Dokta Mshindo Msolla.

Mhe. Anthony Mtaka wakati akizungumza na Mawakala hao Amewataka kuacha mara Moja tabia ya uchakachuaji wa mbolea huku akiwataka Mawakala hao kuwa mabalozi wazuri wa kuhakikisha mkulika anapatiwa Mbolea kusudiwa na kwa wakati.

Sambamba hayo amempongeza Bw. Mshindo  kwa kuanzisha kiwanda cha mbolea na amemuomba kuendelea na Uzalishaji wa mbolea  kwa wingi na kusambaza mbolea hiyo kwa wakulima kwa wakati ili kuondokana na changamoto ya mkulima kucheleweshewa Mbolea.

 “Nawapongeza kwa juhudi zenu mnazozifanya kuzalisha mbolea kwa wakulima wetu lakini njooni na mfumo wa kumfikishia Mbolea mkulima kabla ya msimu wa Kilimo kufika hiyo itamuondolea changamoto ya ucheleweshwaji wa Mbolea kwa mkulima” Mhe. Mtaka