MHE. ANTHONY MTAKA AMEFANYA ZIARA YA KIZAZI WILAYA YA WANGING'OMBE

Posted on: May 5th, 2024

Kampeni ya Lishe inaendelea ndani ya Mkoa wa Njombe na Mei 02,2024 Mkuu wa Mkoa wa Njombe Mhe. Anthony Mtaka  ameendelea na Ziara ya Kukagua utekelezaji wa Afua za Lishe katika Halmashauri ya Wilaya ya Wanging'ombe ambapo huko ametembelea Mradi wa Shamba Darasa Imara na Ustadi (SADIFU), Mashamba darasa ya Kilimo na biashara (FFBS) pamoja na Bustani zilizoandaliwa katika maeneo ya Shule za msingi kama sehemu ya Wananchi na shule za msingi kujifunza. Pia  Mhe Mtaka ametembelea Shule za Msingi ambazo zilifikiwa na Mradi wa SADIFU  unaotekelezwa na Shirika la Care international in Tanzania  wenye lengo la  Uhamasishaji kwa kutoa elimu ya uzingatiaji wa usalama wa chakula na  Lishe bora.

Akizungumza mbele ya Wananchi na Wanafunzi katika vijiji vitatu alivyotembelea Mhe. Anthony Mtaka katika Halmashauri ya Wilaya ya Wanging'ombe amewataka wazazi na walezi kuendelea kuzingatia Lishe Bora ili kuondokana na Udumavu kwenye Maeneo yote ya Mkoa wa Njombe.

Kwa Upande Mratibu  wa Mradi wa SADIFU kutoka  Care international in Tanzania  Bi. Liliani Mkusa amemshukuru Mkuu wa Mkoa wa Njombe kwa kutembelea mradi huo  huku akiongeza kwa kusema kuwa wao kama Shirika wanaendelea kuboresha mradi waao wanaoutekeleza Mkoani Njombe haswa kuunga  Mkono Mikakati ya Kupambana na Udumavu Mkoani Njombe.

Katika Hatua nyingine Mkuu wa Mkoa wa Njombe alitembelea na kukagua mradi unaotekelezwa kwenye Shule ya Msingi Matowo wa Ujenzi wa Madara mawili.