MHE. KISSA KASONGWA AKABIDHI OFISI KWA MHE. JUMA SWEDA WILAYANI NJOMBE.

Posted on: January 28th, 2025

NJOMBE – Aliyekuwa Mkuu wa Wilaya ya Njombe, Mhe. Kissa Kasongwa, tarehe 27 Januari 2025, amekabidhi rasmi ofisi kwa Mkuu mpya wa Wilaya ya Njombe, Mhe. Juma Sweda, katika hafla fupi iliyofanyika wilayani humo.

Akizungumza wakati wa makabidhiano hayo, Mhe. Kasongwa amemshukuru Rais wa Jamhuri ya Muungano wa Tanzania, Mhe. Samia Suluhu Hassan, kwa kuendelea kuwaamini na kuwapa nafasi vijana katika uongozi wa nchi.

Mhe. Kasongwa amehamishiwa kuwa Mkuu wa Wilaya ya Makete kufuatia mabadiliko ya wakuu wa wilaya na wakurugenzi wa halmashauri yaliyotangazwa mwishoni mwa wiki iliyopita.

Kwa upande wake, Mhe. Juma Sweda ameahidi kuendeleza kazi nzuri iliyofanywa na mtangulizi wake kwa kushirikiana na wananchi na viongozi wa Wilaya ya Njombe ili kuimarisha maendeleo ya eneo hilo.