WAZIRI WA ELIMU, SAYANSI NA TEKNOLOJIA KUFANYA ZIARA YA KIKAZI MKOANI NJOMBE.

Posted on: October 2nd, 2024

Njombe, Oktoba 2024 - Waziri wa Elimu, Sayansi na Teknolojia, Mhe. Prof. Adolf Mkenda, anatarajiwa kufanya ziara ya kikazi katika mkoa wa Njombe kuanzia tarehe 3 hadi 6 Oktoba 2024. Ziara hii inalenga kukagua na kuzindua miradi mbalimbali ya kimaendeleo mkoani Njombe

 Mhe. Prof. Mkenda atatembelea wilaya nne zenye umuhimu mkubwa katika kuendeleza maendeleo ya kijamii na kiuchumi kupitia miradi ya mbalimbali. Ratiba ya ziara ni kama ifuatavyo:

• Oktoba 3, 2024: Wilaya ya Ludewa
• Oktoba 4, 2024: Wilaya ya Njombe
• Oktoba 5, 2024: Wilaya ya Makete
• Oktoba 6, 2024: Halmashauri ya Mji Makambako

Lengo kuu la ziara hii ni kukagua utekelezaji wa miradi mbalimbali  iliyopo mkoani Njombe, kuhakikisha kuwa inakidhi malengo yaliyopangwa na serikali. Mhe. Waziri pia atazindua miradi mipya na kuweka Mawe ya Msingi 

Mkoa wa Njombe unafanya juhudi kubwa katika kuimarisha sekta ya elimu na kusukuma mbele maendeleo ya teknolojia. Ziara ya Waziri Mkenda ni hatua muhimu katika kufanikisha mikakati ya serikali ya kuleta mabadiliko chanya kwenye Sekta zote ikiwa ni pamoja na elimu na maendeleo ya kiuchumi.