WANANCHI HALMASHAURI YA MJI NJOMBE WAHIMIZWA KUJIUNGA NA CHF ILIYOBORESHWA

Posted on: October 28th, 2019

Wananchi katika Halmashauri nya Mji wa Njombe wametakiwa kujiunga na Bima ya Afya Iliyo  boreshwa  ili waweze kutibiwa bila kupata usumbufu wowote pindi watakapo kumbwa na magonjwa na hivyo kujihakikishia kupata huduma za Afya kwa uhakikia zaidi pindi watakapofikwa na dharura.

Rai hiyo imetolewa na Mkuu wa Wilaya ya Njombe Mh. Ruth Msafiri wakati wa uzinduzi wa CHF iliyoboreshwa katika kituo cha Afya Njombe Mjini ambapo amesema kuwa kuna faida nyingi za kujiunga na CHF hiyo ikiwemo kuhudumia watu sita katika kaya.

Amesema faida nyingine ni pamoja na kutibiwa pasipokuwa na gharama yeyote mara baada ya kupata kadi ya CHF  inayogharimu Shilingi 30,000 na Hivyo kuwahamasisha wananchi kuichangamkia  CHF  iliyoboresha.

Aidha Mkuu wa Wilaya amemtaka Mkurugenzi wa Halmashauri ya Mji Njombe kupita katika Eneo lake la Kiutawala na Kuangalia ni kwa nini ombaomba wameongezeka katika Halmashauri yake ili kubaini changamoto za watu hao zitatuliwe ikiwezekana kama wanachangamoto kubwa ya kuhudumiwa basi halmashauri ichukue jukumu hilo la kuwalipia CHF iliyoboreshwa na wao kuwa sehemu ya wanufaika.

Kwa upande wake Mariam Monjesa ambaye ni Mratibu wa CHF kutoka Halmashauri ya Mji wa Njombe amesema kuwa bado kumekuwa na mwitikio mdogo wa watu kujitokeza kupata huduma hiyo.