WAFANYABIASHARA NJOMBE WAKUTANA NA MKUU WA MKOA

Posted on: July 26th, 2024

Mkuu wa Mkoa wa Njombe Mhe. Anthony Mtaka amekutana na wafanyabiashara wa miamala ya kifedha Mkoani Njombe kwa lengo la kuwasikiliza na kutatua changamoto zao zilizokuwa zinawakabili ikiwa ni pamoja na hofu ya usalama waliyokuwanayo kufuatia kifo cha aliyekuwa wakala Godfrey ndambo.

Mhe. Mtaka amewasisitiza wafanyabiashara hao kufunga  Kamera za ulinzi kwenye maeneo yao ili kukomesha matukio ya wizi yanayoweza kuepukika.

ametoa agizo hilo alipokuwa akizungumza nao Leo tarehe 26 Julai 2024 katika  Ukumbi wa Halmashauri ya Mji Njombe, ambapo hapo  amewaambia wafanyabiashara hao wasikwepe ukuaji wa teknolojia hali itakayowahakikishia usalama wao na mali zao.

Hata hivyo Mtaka amewataka wakazi na wafanyabiashara wa mkoa wa Njombe kuachana na utamaduni wa kuweka fedha nyingi nyumbani badala yake wapeleke wakahifadhi fedha benki.

Mkutano huo umehudhuriwa na Viongozi mbalimbali akiwemo Katibu Tawala mkoa wa Njombe Bi. Judica Omari, Viongozi wa Chama Cha Mapinduzi wakiongozwa na Katibu wa CCM Mkoa Ndugu Julius Peter  pamoja na Wafanyabiashara wa miamala ya kifedha.