MKOA WA NJOMBE WAPOKEA ZAWADI KWA USAFI WA MAZINGIRA

Posted on: May 10th, 2024

Katibu Tawala Mkoa wa Njombe Bi. Judica Omari akiwa na Waziri wa Afya Mhe. Ummy Mwalimu katika zoezi la Utoaji wa zawadi za usafi wa Mazingira kwa Mwaka 2023 ambapo Mkoa wa Njombe ni miongoni mwa mikoa iliyoshinda Zawadi ya usafi wa Mazingira ambapo Halmashauri 4 ikiwa ni pamoja na Halmashauri ya Mji Njombe imekuwa Halmashauri ya kwanza kitaifa kwenye kipengele cha Halmashauri za Miji.

Zawadi hizo zimekabidhiwa na Makamu wa Rais wa Jamhuri ya Muungano wa Tanzania Mhe. Dkt. Philip Mpango ambaye alikuwa mgeni rasmi kwenye tukio hilo lililofanyika Mei 09, 2024 kwenye viwanja vya stendi ya zamani Halmashauri ya Mji wa Kibaha na kuhudhuriwa na viongozi mbalimbali wa Serikali.