MIRADI WA UMWAGILIAJI WA BILIONI 5.5 WASAINIWA NJOMBE

Posted on: July 9th, 2024

Mkuu wa Mkoa wa Njombe Mhe. Anthony Mtaka amepiga marufuku wananchi wa Kijiji cha Itipingi kilichopo Kata ya Igongolo wilayani Njombe kutumia eneo la mradi wa umwagiliaji wenye thamani ya shilingi Bilioni 5.5 kama eneo la malisho ya mifugo.

Mhe. Mtaka ametoa kauli hiyo Julai 9, 2024 akiwa katika kijiji cha Itipingi kwaajili ya kushuhudia makabidhiano ya mradi wa umwagiliaji unaotekelezwa kwa awamu ya pili kati ya mkandarasi na Halmashauri ya Wilaya ya Njombe.

Mradi huo unaotarajiwa kuhudumia wananchi 417  kutoka kata mbili na Vijiji vitatu vya Itipingi, Kiumba na Malombwe umekabidhiwa mbele ya mkandarasi ili uanze kutekelezwa kwa awamu ya pili.