MGANGA MKUU WA MKOA WA NJOMBE AHIMIZA WAZAZI KUZINGATIA LISHE BORA KWA WATOTO

Posted on: November 4th, 2019

Mganga Mkuu wa Mkoa wa Njombe, Dk. Bumi Mwamasage ameshiriki maadhimisho ya utekelezaji wa siku ya Afya na Lishe ya Mtoto katika kijiji cha Liduhani, Kata ya Iwawa wilayani Makete mkoa wa Njombe na kutoa wito kwa wazazi kutilia mkazo mambo ya lishe bora kwa mtoto.

Maadhimisho hayo yamefinyika tarehe 4 Novemba, 2019 kwenye kijiji cha Liduhani wilayani Makete, ambapo Dk. Bumi alikuwa mgeni rasmi na kushuhudia shughuli za upimaji afya za watoto, sambamba na mafunzo ya lishe bora na namna ya kujifunza kuandaa chakula kinachoendana na makundi matano ya aina ya virutubisho kwa ajili ya afya ya mtoto.

Katika sherehe hiyo pia kulikuwa na majadiliano mbalimbali kwa washiriki juu ya tatizo la kukabiliana na utapiamlo na udumavu katika wilaya ya Makete, ambapo asilimia 44 ya watoto waliopo chini ya miaka mitano  kwenye kijiji cha Ludihani, wamebainika wana matatizo ya udumavu.